रामा धणी री महिमा ने,
धज्जा बंद धणी री महिमा ने,
आ सगळी दुनिया गावे,
बाबो परचा खूब दिखावे।

बीज चानणी चमक्यो चंदो,
घर-घर मंगल गावे,
भाग्य जाग गा अजमल जी रा,
जय जय कार बुलावे,
दूध ने नीचो देख चूले सू मेणादे हरषावे।

बाबो परचा खूब दिखावे...

बिणजारो बाळद भर लायो,
रुणिजा री कांकड़,
बोल्या रामदेव कांई है बीरा,
जद बोल्यो बो आंकड़,
मिश्री सूं जद लूण बणायो बिणजारो पछतावे।

बाबो परचा खूब दिखावे...

रामदेव जी जिद करली नी,
मां मने लाद्ये घोड़ो,
मैणादे रे हुक्मां सूं,
दर्जीड़ो आयो दोड़यो,
खोट देख दर्जी रे मन में घोड़लियो उड़ायो।

बाबो परचा खूब दिखावे...

कर थारी मूरत रा दर्शन,
जीवन सफल बनावा,
हुक्म करो तो पीर रामदेव थारी दरगाह आवा,
विष्णु सागर थारी दया से लिखतो गातो आवे।

बाबो परचा खूब दिखावे...