अरे सुण ज्यो राम रुणिचा वाला काली गाड़ी लाणी है
गढ रुणिचा बैठा रामदेव जी कलजुग रा अवतारी है
सब सेठां रा सेठ पीर जी लीला रा असवारी है
पुरी द्वारका वासी कहिजे विष्णु रा अवतारी है।

काशी मथुरा धाम रुणिचा पुरी द्वारका मांही है
क्यों जावां म्हे चार धाम में धाम रुणिचा प्यारी है
आवूं रुणिचा पैदल बाबा लाज राखणी म्हारी है।

गांव रुणिचा बैठा रामदेव भगतां रा रखवाली है...

घणा गरीबां ने सेठ बणाया अबके बारी म्हारी है
सुण ज्यो राम रुणिचा वाला काली गाड़ी लाणी है
बैठ गाड़ी में आवां रुणिचा इतरी अरजी म्हारी है।

गांव रुणिचा बैठा रामदेव भगतां रा रखवाली है...

साथिड़ा सब परण गया अब म्हारे लाडी लाणी है
बेगो ब्याव करा दे बाबा जात देवूंला थारी मैं
काली गाड़ी में बैठ पीर जी रुणिचा थारी में।

गांव रुणिचा बैठा रामदेव भगतां रा रखवाली है...

घणा दिनां तक करी नौकरी अब दुकान लगाणी है
सेठ सुणावे लाखों तानां काया कळपे म्हारी है
अब की सेठ बणादे बाबा इतरी अरजी म्हारी है।

गांव रुणिचा बैठा रामदेव भगतां रा रखवाली है...

सेठां को भी सेठ कहिजे भरया खजाना भारी है
थोड़ी माया म्हाने दे दे कमी नहीं पड़बाली है
रमेश माली लगन करें बाबा लाज राख ज्यों म्हारी
पूरण गुर्जर दुकान लगावे।

गांव रुणिचा बैठा रामदेव भगतां रा रखवाली है...