श्लोक - रामा सामी आवियो,
और कलजुग भोत करुर।
अरज करुं अजमाल रा,
हेलो सामळियो रे जरुर।।
ओ खम्मा खम्मा वो
धणियां रुणिजे रा धणियां,
थाने तो ध्यावे आखो मारवाड़ वो,
आखी गुजरात वो,
अजमाल जी रा कंवरा,
मारवाड़ ध्यावे बाबा गोडवाड़ ध्यावे,
सारो बीकाणो सिर न्हावे जी,
अजमाल जी रा कंवरा,
खम्मा खम्मा वो
धणियां रुणिजे रा धणियां,
थाने तो ध्यावे आखो मारवाड़ वो,
आखी गुजरात वो।।1।।

ओ बिरखा गैरी गैरी भाया पाछा कियां जावो,
मने सांचो सांचो भेद बतावो जी वो,
घणी घणी खम्मा म्हारा द्वारका रा नाथ ने,
द्वारका रा नाथ हेलो सामलो जी वो,
बिरखा गैरी गैरी भाया पाछां कियां जावो,
म्हाने सांचो सांचो भेद बतावो जी वो,
खम्मा खम्मा वो कंवर अजमाल रा।।2।।

थे तो अजमल जी बीरा बांजिया कहिजो,
सुगन पलावू म्हाने होया जी,
अजमाल जी रा कवंरा,
खम्मा खम्मा वो धणियां रुणिजे रा धणियां,
थाने तो ध्यावे आखो मारवाड़ वो,
आखी गुजरात वो।।3।।

ओ राणी कहे राजा सुणो रे,
एक हमारी बात,
रामा एक हमारी बात,
ओ चांद सो मुखड़ो राजा,
क्यों होयी अंधेरी रात,
ओ राणी कहे पीवजी,
सुणो रे एक हमारी बात,
रामा एक हमारी बात,
ओ चांद सो मुखड़ो पीवजी,
क्यों होयी अंधेरी रात।।4।।

बांजियो कहे म्हारो मुख नहीं देखे,
म्हतो ऐड़ा कांई पाप कमाया जी वो,
खम्मा खम्मा वो कंवर अजमाल रा,
रुणिजे रा राजा हेलो सामलो जी वो,
वारि वारि वो रामापीर ने।।5।।

अरे म्हाने मतो तो उमायो जी,
अजमल थे जावो जूनी द्वारका,
अजमल थे जावो जूनी द्वारका,
म्हाने मतो तो उमायो सा,
ओ अजमल थे जावो,
अजमल थे जावो जूनी द्वारका।।6।।

इण रे खाड़ी में अजमल पीपोजी ने मिलिया,
द्वारका रो नाथ अठे रेवे जी,
अजमाल जी रा कंवरा,
खम्मा खम्मा वो धणियां रुणिजे रा धणियां,
थाने तो ध्यावे आखो मारवाड़ वो,
आखी गुजरात वो,
अजमाल जी रा कंवरा।।7।।

गरमी घणी पड़े अजमल समदरियां में रेवे,
गरमी घणी पड़े बीरा समदरियां में रेवे,
ठंडी ठंडी लेहरां बठे आवे जी वो,
खम्मा खम्मा वो कंवर अजमाल रा,
रुणिजे रा राज हेलो सामलो जी वो,
वारि वारि वो रामापीर ने।।8।।

अजमल जी कूद पड़े दरियावन में,
अजमल कूद पड़े दरिया में,
प्रभु मिलने के काज हमारे रामा,
हरि मिलने के काज हमारे रामा,
प्रेम सहित हरि द्वारे आवे रामा,
मन इच्छा कारज सर जावे रामा।।9।।

अरे द्वारका का नाथ घणी अरज गुजारुं,
थारे माथे ऊपर पाटी कंया बांधी जी,
अजमाल जी कंवरा,
खम्मा खम्मा वो धणियां रुणिजे रा धणियां,
थाने तो ध्यावे आखो मारवाड़ वो,
आखी गुजरात वो,
अजमाल जी रा कंवरा।।10।।

अरे भोळा भोळा भगतां म्हारे लाडूड़ा री मारी,
माथे ऊपर चोट गैरी आयी जी वो,
खम्मा खम्मा रे कंवर अजमाल रा,
द्वारका रा नाथ हेलो सामलो जी वो,
खम्मा खम्मा रे कंवर अजमाल रा,
भोळा भगतड़ा म्हारे लाडूड़ा री मारी,
माथे ऊपर चोट गैरी आयी जी वो,
खम्मा खम्मा वो कंवर अजमाल रा,
रुणिजे रा राज हेलो सामलो जी वो,
वारि वारि वो रामापीर ने।।11।।

म्हतो तो म्हारा बावजी इण मूरति रे मारी,
माफी अन्नदाता बगसावो जी,
अजमाल जी रा कंवरा,
खम्मा खम्मा वो धणियां रुणिजे रा धणियां,
थाने तो ध्यावे आखो मारवाड़ वो,
आखी गुजरात वो,
अजमाल जी रा कंवरा।।12।।

श्लोक - भादूड़ा री बीज रो चंदो करे प्रकाश।
रामदेव बण आवस्यूं राखिजे बिस्वास।।
भादवा री दूज रो चांद भळे उगियो,
अजमल सुत झूले पालणिये,
खम्मा खम्मा वो रुणिजे रा धणियां,
भादवा री बीज रो चांद भळे उगियो,
अजमल सूत झूले पालणिये,
अजमाल जी रा कंवरा,
खम्मा खम्मा वो धणियां रुणिजे धणियां,
थाने तो ध्यावे आखो मारवाड़ वो,
आखी गुजरात वो,
अजमाल जी रा कंवरा।।13।।

एक तो टाबरियो म्हारे बीरम दे जन्मियो,
अरे ओ दूजोड़ो खठासूं आयो जी वो,
खम्मा खम्मा रे कंवर अजमाल रा,
रुणिजे रा राजा हेलो सामलो जी वो,
वारि वारि वो रामापीर ने,
मारवाड़ ध्यावे बाबा थाने गोड़वाड ध्यावे,
आखी गुजरात मालवो ध्यावे जी वो,
सारो बीकाणो सिर नवावे जी वो,
खम्मा खम्मा रे कंवर अजमाल रा।।14।।

अरे गैली गैली नारी,
तू तो बातां गैली करे जी,
द्वारका रो नाथ घर आयो जी,
अजमाल जी कंवरा,
अरे गैली गैली नारी,
तू तो बातां गैली करे क्यों,
द्वारका रो नाथ घर आयो जी,
अजमाल जी कंवरा,
खम्मा खम्मा वो धणियां रुणिजे रा धणियां,
थाने तो ध्यावे आखो मारवाड़ वो,
आखी गुजरात वो,
अजमाल जी रा कंवरा।।15।।

ओ कुण थारी माता पिताजी म्हाने कह दे,
अरे कांई थारो नाव दिरावा जी वो,
खम्मा खम्मा रे कंवर अजमाल रा,
द्वारका रा नाथ हेलो सामलो जी वो,
रुणिजे रा राजा हेलो सामलो जी वो,
वारि वारि वो रामापीर ने।।16।।

माता मेणादे महारी,
पिता अजमाल जी,
रामू नाम कहावे जी,
अजमाल जी रा कंवरा,
खम्मा खम्मा वो रुणिजे रा धणियां,
माता मेणादे महारी, पिता अजमाल जी,
अजमाल जी कंवरा,
खम्मा खम्मा वो धणियां रुणिजे धणियां,
थाने तो ध्यावे आखो मारवाड़ वो,
आखी गुजरात वो,
अजमाल जी रा कंवरा।।17।।

अरे पहलो पहलो परचो बाबो मेणादे ने दीन्हो,
कोई उफणतो रे दूध ढबायो जी वो,
खम्मा खम्मा रे कंवर अजमाल रा,
रुणीजे रे राजा हेलो सामलो जी वो,
खम्मा खम्मा रे कंवर अजमाल जी,
पेलो रो परचो माता मेणादे ने दीन्हो,
उफणतो दूध ढबायो जी वो,
खम्मा खम्मा रे कंवर अजमाल रा,
रुणीजे रे राजा हेलो सामलो जी वो,
खम्मा खम्मा रे कंवर अजमाल रा।।18।।

श्लोक - दड़िया रमता रामदेव,
और मन में किया बिचार
भैंरव के भय कारणे दुख पावे नर नार।।
आप सिदाया ऐकला और कोई नी संग में साथ।
बन में धूणी तापता गुरु मिलिया बालीनाथ।।
रेण अंधेरी बेटा खटीसूं तू आयो,
आगे खटीन जावो जी,
अजमाल जी रा कंवरा,
रेण अंधेरी बेटा खटीसूं तू आयो,
आगे खटीन जावो जी,
अजमाल जी रा कंवरा,
खम्मा खम्मा वो रुणीजे रा धणिया।।19।।

श्लोक - तुम लड़का बेहोश हो,
और यहां रहणा न होय।
राक्षस आवे भैंरवो तुझे मार भक जोय।।
रैण अंधेरी बाबा मारगियो नी दिखे,
म्हतो शरणे आपकी आयो जी वो,
खम्मा खम्मा रे कंवर अजमाल रा,
रैण अंधेरी बाबा मारगियो नी दिखे,
म्हतो शरणे आपकी आयो जी वो,
खम्मा खम्मा रे कंवर अजमाल रा,
रुणीजे रा राज हेलो सामलो जी वो।।20।।

श्लोक - मेरे से क्या होत है,
और क्या है मेरे हाथ।
जा कुटिया में लौट जा,
तो सहाय करे रघुनाथ।।
अरे बाबा जी रे मठ मांय मानखियो रे बासे,
मानखो बताओ नहीं खावूं जी,
खम्मा खम्मा वो रुणीजे रा धणियां,
बाहरा-बाहरा कोसां मांही मानखो नहीं छोड़ियो,
ओ मानखो नजर नहीं आवे जी,
अजमाल जी रा कंवरा,
खम्मा खम्मा वो रुणीजे रे धणियां।।21।।

ओ सूता सूता रामदेव जी गुदड़ी हिलायी,
भैंरुड़ो तो भुजा पसारी जी वो,
खम्मा खम्मा वो कंवर अजमाल जी रा,
खेंचत खेंचत हारियो पापिड़ो,
इन गुदड़ी रो अंत नी आयो जी वो,
खम्मा खम्मा वो रुणीजे रा धणियां,
वारि वारि वो रामपीर जी।।22।।

अरे भाखरड़ी रे चढतो भैंरु,
पाछड़ली तो फौरी,
लीलो चढियोड़ो लारे आवे जी,
अजमाल जी कंवरा,
भाखरड़ी तो चढतो भैंरु,
पाछड़ली तो फौरी,
खम्मा खम्मा वो धणियां रुणिजे रा धणियां,
थाने तो ध्यावे आखी मारवाड़ वो,
आखी गुजरात वो,
काड तो कुडियो बाबो,
भैंरुड़ा ने गाडियो,
भैंरुड़ा ने मार रुणीजो बसायो,
खम्मा खम्मा वो धणियां रुणिजे रा धणियां,
थाने तो ध्यावे आखी मारवाड़ वो,
आखी गुजरात वो।।23।।