घमा घमा बादळियो गरजे,
महिनो सावण भादवो बरसे,
मेळो रामदेव जी रो आवे,
म्हारो मनड़ो दर्शन तरसे,
रामदेव जी रुणीजे बिराजे,
बाबो भगतां न धाम बुलावे,
बाबो सपना में दर्शन देवे,
वे भाग से दर्शन पावे,
घमा घमा बादळियो गरजे,
महिनो सावण भादवो बरसे...
मन अन्न पाणी नहीं भावे,
रुणीजा री याद सतावे,
म्हाने दुनिया दाय नहीं आवे,
रोम-रोम में बाबो समावे,
घमा घमा बादळियो गरजे,
महिनो सावण भादवो बरसे...
म्हारो बाबो कृपा करावें,
पैदल यात्रा रो संग मिलावे,
मारगिया में आनंद आवे,
हाथां में धज्जा लहरावे,
घमा घमा बादळियो गरजे,
महिनो सावण भादवो बरसे...
मार्ग में जमलो जागे,
धोरां में तंदूरा बाजे,
संग रामदेवरा में आवे,
समाधि रा दर्शन पावे,
घमा घमा बादळियो गरजे,
महिनो सावण भादवो बरसे...
बाबो भगतां भेळे रवे,
धणी हेला रे हलकारे आवे,
भजन जागेन्द्रर देवासी बणावे,
किशन देवासी गाय सुणावे,
घमा घमा बादळियो गरजे,
महिनो सावण भादवो बरसे...