गढ़ देशाणे में धाम बणियो अति भारी
जठ कहिए करणी मात बड़ा उपकारी।।टेर।।

कोई काबा वाली मात बड़ा धिरयाणी।
थारी महिमा अपरंपार करणी धिरयाणी।।1।।

गढ़ देशाणे में धाम बणियो अति भारी...

औरण वाली फेरी देवे नर-नारी।
शरणे आया री लाज रखो महारानी।।2।।

गढ़ देशाणे में धाम बणियो अति भारी...

साकम वाली झांकी है धणी है प्यारी।
जां रा दर्शन करने आवे घणा नर-नारी।।3।।

गढ़ देशाणे में धाम बणियो अति भारी...

अनिल नागौरी अर्ज घणी है पुकारी।
अब आवो करणी मात करो मत देरी।।4।।